Göyçayda “FƏTÖ” şirkətinə olan hörmət…

Son 1 il ərzində Göyçay rayonunda fəaliyyət göstərən iri sahibkarlıq subyektləri olan müəssisə və təşkilatlar olduqca çox sıxışdırılır, hətta sıradan çıxarılır da demək mümkündür. Rayonun icra başçısı Mehdi Səlimzadənin iradəsinə tabe olmayan istənilən idarə, müəssiə və təşkilat rəhbərləri dərhal şərlənərək ciddi problemlər yaşamağa başlayırlar. Bir şeyi aydınlaşdırmaq olmur ki, icra başçısı Mehdi Səlimzadə prezidentin vətəndaşlara xidmət etmək üçün təyin etdiyi nümayəndədir, yoxsa xarici düşmən kəşfiyyatının 118 minlik əhalisi olan Göyçaya ürcah etdiyi bəla?
M. Səlimzadə çox cılız xarakterə malik bir insandır. Əgər bir kəs onun üzünə tərs baxarsa və ya sözünün üstündə söz deməyə cəsarət edərsə o, bütün işini gücünü atıb düşəcək həmin adamın “evi”ni yıxmağa, hətta o adam dilənçi olsa belə… Həmin adamın “evi”ni yıxmaq üçün şeytanın ağlına gələ bilməyəcək vasitələrdən istifadə etməklə məqsədinə nail olmağa çalışacaqdır. Yalan danışmaqda peşəkar bacarığı olmasa da, yalan məruzə etmədiyi günü də tapılmaz. Onun üçün vacib deyil ki, qarşısında olan şəxsi inadırsın, vacib olan budur ki, o öz fikrini yalan-palan yaxınlarına ötürüb “dobro” qazansın. Onun xasiyyətlərindən ən pisi tamahgir olması və başqalarının illərlə zəhməti bahasına qazandıqlarını lap bir gündə tutub əlindən almağa cəhd göstərməsidir. Vay o günə ki, hansısa ondan zəif məmur onun reketsayağı tələblərinə itaət etməyə… Dərhal keçir hüquq-mühafizə orqanları vasitəsilə həmin şəxsə təzyiq göstərməyə. Artıq o, Göyçay polisi və prokurorluğu ilə əlbir olaraq bu metoddan rahatlıqla yararlana bilib. Məsələn, “ATF” MMC, Ziya Məmmədova yaxınlığını bəhanə edlıldiyi daş karxanası, “FƏTÖ” adı ilə “Kərpic-SAN” zavodu, bazar, yeşik sexləri, iri sahibkarlar, Avtonəqliyyat ASC, Göyçay Baytarlıq İdarəsi, Mənzil İstismar Sahəsi, Sanitar Təmizlik İdarəsi, “Azərpoçt” MMC-nin Göyçay filialı, Göyçay Rabitə və Telefon qovşağı və s. adları qeyd olunan idarə və müəssisələr Mehdi Səlimzadənin “şapalağ”ına tuş gəlib, şərlənəcəkləri qorxusundan əllərində ovuclarında olanı ona veriblər. Hansılardan ki, tələb olunan vəsaitlər və digər maddi nemətlər alınmayıb və ya kiafyət etməyib onlara edilən zülm bu günə qədər də davam etdirilir.
Diqqət edin görün ölkə başçısının etimad göstərərək vəzifəyə təyin etdiyi məmurlar özləri üçün vətəndaşlara xidmət göstərmək əvəzinə cinayətkar şəbəkə qurub xalqı necə istismar edirlər. Hətta deyilənə görə M. Səlimzadənin Prezident Administrasiyasında da iş birliyində olduğu dostları var ki, onun barəsində edilən şikayətləri ölkə başçısına çatdırmırlar. Ora daxil olan ərizə və teleqramlar ya it-bat olunur, ya da ki, prezidentlə əlaqəsi olmadan formal olaraq cavablandırılır. Onun barəsində haqlı yazılar dərc etmiş jurnalistlər, informasiya saytları dərhal “şər-böhtan” yaydıqları adı ilə “xüsusi ittiham qaydasında” məhkəmə verilir və müxtəlif təzyiqlərlə susdurulur. Hətta bu yaxınlarda bu yaxınlarda “nar festivalı barəsində tənqidi materal yazan Hefteaz.info saytının rəhbəri tanınmış jurnalist Aqil Mahmudova qarşı xüsusi ittiham qayasında məhkəməyə verməsi və onun həbsini tələb etməsi ucbatında tanınmış jurnalistin ölkəni tərk etməsinə səbəb olub. Bu isə onu göstərir ki, Mehdi Səlimzadə jurnalistin ölkədən getməsnə səbəbkar kimi dövlətin nüfuzunu aşağı salır. M. Səlimzadənin digər güc qaynağı qudası olan Sumqayıt şəhər icra başçısı Zakir Fərəcovdur. Hətta M. Səlimzadənin Z. Fərəcovun taktikası ilə hərəkət etdiyini də nəzərə alsaq, onu yol göstərən müləllimi kimi də qəbul etmək olar. Hədə-qorxuları həyata keçirməkdə çətinliyi yarandıqda isə o, Korrupsiyaya qarşı Baş Mübarizə İdarəsində işləyən oğlunun köməyindən yararlanır. Bir sözlə şeytanın ağlına gələ bilməyəcək bitib tükənməyən hiylələr və pis-pis əməllər…
Onun qanunsuz əməlləri barədə Kütləvi İnformasiya Vasitələrinə olduqca çox məlumat yerləşdirilib. Məsələn dəyəri milyonlarla olan qaz və su borularının sökülərək satılması, idarə və təşkilatlardan, o cümlədən sahibkarlardan aylıq haqq tələb etməsi, özünün şərik olduğu bazarın dirçəlməsi üçün digər sahibkarlara etdiyi zülm, uzun müddət rayonda fəaliyyəti olan Avtobazanı inhisarçılıq niyyəti ilə sıradan çıxararaq əvəzində yaxın qohumuna nəqliyyat xidməti göstərmək üçün şərait yaratması, Avtobazanın ərazisində fəaliyyət göstərən müasir tipli bazarın qapadılmasına cəhd, bazar qapılarının daş hasarla hörülməsi, şəhərdə ağacların kəsilərək yerində iaşə obyektləri üçün satılması, qohum-əqrabalarına vəzifələr verməsi və s.

Foto – Mehdi Səlimzadə

Amma Mehdi Səlimzadə etdiyi qanunsuzlar qarşısında heç bir adekvat cavab almadığından hər yeni gün üçün ortaya ağlagəlməz sürprizlərlə çıxır. Məsələn, Mehdi Səlimzadə digər sahibkarlarla yanaşı Türkiyədə həbs olunan məşhur “FƏTÖ” üzvü Fatih Alimin oğlu Talha Alim üçün Göyçay rayonunda fərqli münasibət göstərir. M. Səlimzadə heç bir halda Talhaya məxsus zavodu bağladacağı hədəsi ilə çıxış etmir. Həmin zavodda yüzlərlə hüququ pozulan, qul əməyinə cəlb olunmuş insanların taleyinə diqqət etmək əvəzinə, orada olan nöqsanları dilə gətirən şəxslərə qarşı açıq hücum təşkil edir. Bir sözlə “FƏTÖ” onun gözündə xüsusi hörmətə layiqdir. Həmin «Kərpic-SAN» MMM 1991-ci ildə Azərbaycan-Türkiyə birgə müəssisəsi kimi istifadəyə verilib, səhmləri türk iş adamlarına məxsusdur. İl ərzində müxtəlif ölçülü 10 milyona yaxın tikinti kərpici istehsal gücünə malikdir. Müəssisənin rəhbəri Talha Alimdir.
Amma Mehdi Səlimzadənin gözü regionun ən iri tikinti təşkilatlarından biri olan “ATF” MMC-ni götürməyib. Əsasən yol tikintisi sahəsində ixtisaslaşan bu şirkətdə yüzlərlə işçi çalışırdı. Müəssisənin bazasında 120 tonluq asfalt zavodu və 60 tonluq beton zavodu fəaliyyət göstərir. Deyilənə görə Cəmiyyətin direktoru Azad Muradovun “Nar Festivalı”ında “yaxın”dan iştirak etməməsi icra başçısına xoş getməyib və zavodun fəaliyyətini dayandırmaq üçün min bir bəhanə gətirərək yuxarıdan qismən razılıq alıb. Amma rayonda söz yayıb ki, guya zavodun bağlanmasına səbəb Respublika Prokurorluğu və millət vəkili Elxan Süleymanovdur. Çox təəssüf ki, rayonda bu cür şayələrə də inanlar var.
Mehdi Səlimzadə «AzNar» ASC-yə də xüsusi rəğbətlə baxır. Çünki həmin zavodun əsl sahibi Rusiyalı milyarder Fərhad Əhmədovdur. Məhz milyarder olduğu üçün… «AzNar» ASC 1982-ci ildə nar emalı zavodu kimi istifadəyə verilib, 2002-ci ildə zavodun bazasında ASC yaradılıb. Müəssisədə İtaliyanın «Bertuzi» firmasının avadanlıqları quraşdırılıb. İl ərzində 12 min tona yaxın nar emal edə bilir. Müəssisədə nar və digər meyvə növlərindən şirələr və kampotlar istehsal olunur. İstehsal olunan məhsullar MDB dövlətləri ilə yanışı Avropa Birliyinə daxil olan dövlətlərə ixrac edilir. İdarə Heyətinin sədri Fərəc Əhmədovdur.
Bayaq qeyd etdiyim ki, tamahkar icra başçısı üçün Fərhad Əhmədov kimi milyarderlə ünsiyyət qurmaq olduqca vacib və şan-şöhrətli bir işdir. F. Əhmədov Göyçaya gəldiyində onun tərəfindən qarşılanır, getdiyində də yola salınır. Rayonda keçiirilən tədbirlərə milyarder üçün qəpik-quruş sayılan pul xərcləyən F. Əhmədovu az qalırlar “rayonun xilaskarı” kimi təqdim edələr. Hansı 118 min əhalisi olan rayon sakinlərinə onun çox az köməyi dəyib. İcra başçısı isə Göyçaya vurduğu ziyanla özünə unudulmayacaq bir tarix yazmış olub. Həmçinin M.Səlimzadə keçirdiyi iclaslarda sakinlərlə açıq-aşkar mırt vurur. Buna dair o qədər lətifələr yaranıb ki…
Son olaraq ölkə başçısı İlham Əliyevin apardığı siyasətə tərs mütənasib olan icra başçısı Mehdi Səlimzadənin niyyətinə aydınlıq gətirmək istəyirəm. Mənim fikrimcə İlham Əliyevə qarşı barışmaz mövqeyi olan Rusiyalı milyarder Fərhad Əhmədov və İlham Əliyevin böyük zərbə vurmaq istədiyi “FƏTÖ” çu Talha Alimlə Mehdi Səlimzadəni birləşdirən yalnız onun tamahı və yelbeyinliyi ola bilər.
Oxucular bu yazıdan sonra Göyçay sakinlərinin kimin ümidinə buraxıldığının şahidi olsunlar. Gücümüz çatan çox şey də yoxdur. Amma nə yaxşı ki, az da olsa müstəqil mətbuatımız var, əlimizdən heç nə gəlməsə də, yazıb ürəyimizi boşalda bilirik!

Hefteaz.info