Elman Quliyevə təcridxanada təzyiq göstərildiyi bildirilir

1 Avqust 2019
Bu gün vəkil Osman Kazımov İnzibati Həbs Olunanların Saxlanma Məntəqəsində Müsavat Gənclər Təşkilatının sədri Elman Quliyevlə görüşüb.
Görüşdə Elman Quliyev, ona təcridxanada psixoloji təzyiq edildiyini bildirib.
“Elman Quliyevin həbsi tamamilə qanunsuzdur və apelyasiya şikayəti vermişik. Bu gün özü ilə təcridxanada görüşdüm. Mübarizə əhvalı yüksəkdir və dostlara salamı var” – deyə, Osman Kazımov bildirib.
İyulun 29-da müsavatçı siyasi məhbus Azad Həsənovun məhkəmə iclasından sonra bir qrup fəal Mərkəzi Parkda “Azad Həsənova azadlıq!”, “Siyasi məhbuslara azadlıq!” şüarları qaldırararq etiraz aksiyası keçirib. Fəallar həmçinin “Azadlıq!”. “İstefa!”, “Siyasi məhbuslara azadlıq!”, “Azad Həsənova azadlıq!” şüarları səsləndirərək park boyu bir neçə yüz metr irıliləyib. Bu zaman polis müdaxilə edib, şüarları cırıb, bir neçə fəal saxlanılıb.

Daha sonra tutulanlar sərbəst buraxılsa da, Müsavat Gənclər Təşkilatının sədri Elman Quliyev “qanunsuz piket təşkil etdiyinə görə” Nəsimi Məhkəməsinin qərarı ilə 30 sutka azadlıqdan məhrum edilib.

 

На изображении может находиться: 2 человека, в том числе Elman Quliyev, люди стоят и на улице

Hefteaz.info